BatMan... makes BIG Mistake

Skarang kita so jadi BatMan... kurang tidor jam 3 ato jam 4 coz banya skali tugas and project... tadi malam nda tidor, ada beking tugas BAP... mar senang skali coz Sir respond bagus skali itu tugas... and dapa lia sir puas...

hari ini qta ada beking Big Mistake... qta nda mo cerita coz kita lagi berusaha mo kase lupa... mar, dari ini BIG STUPID Mistake, kita dapa kita pe kelemahan2 selama ini... salah satunya kita pe talalu percaya diri and malas dengar orang pe pendapat...

mar yang paling penting kita sadar... kita so taruh Tuhan di prioritas nomor sekian dalam kita pe hidop... kita talalu kase penting itu blajar kong so lupa ja berdoa, baca Alkitab... apa yang kita beking so nda pernah andalkan Tuhan...

Kita so lupa waktu kita sekolah itu karena Tuhan... mungkin kita mo blajar pelang2... blajar kase seimbang itu blajar... and apa yang seharusnya kita belajar untuk kehidupan kekal....

keep praying for me...

Read more...

Horeeeeee Libur Panjaaaaaaaaaaaaaaaaaaaaaaaaangggg!!!

Ok..... sebelumnya.... berhubung ini hari raya idul fitri, kita mo minta maaf yach... kalo ada kita pe kesalahan selama ini ... yang tak disengaja ato yang disengaja ato yang tidak disengaja disengaja (???) dengan lubuk hati yang paling dalam... kita minta maaf.....!!!!
Kabar baiknya.... ini satu minggu libur... hahahahahhaha... dan kabar buruknya.. tetap kita di kos-an  coz kita musti beking kita pe skripsi... beeeee... ampun dang... Cuma kita di kos, samua orang so pulang... mar so bagitu... berhubung kita pe kom di sini, jadi kita musti beking... kalu pulang dirumah so nda ta beking.... Cuma ada kita pe popi babi pink yang setia terus kase semangat pa kita di muka komputer...
kita pe defence skripsi terakhir2, tanggal 7 desember... itu berarti natal (mungkin) kita masih ba refisi... kita mulai ini hari... rencana kata mo beking itu bab 1, napa cuma da tidor satu hari... wakwakawkawkawkaakwk... kita musti kumpul pa sir abis long weekend, masih banyak waktu...SEMANGAT...
rencana ini minggu .... maen futsal deng teman2 fik hari kamis sore kong langsung pulang langowan.. baru bale ulang Unklab hari Minggu...
kita so lapar.... mo cari makang dulu diluar...
see you...

God Bless....

Read more...

Campus Day.....

Hari yang paling ditunggu2... adalah kampus day... ini semester torang ka Bitung.. di Benteng Resort...
Dia pe tampa bagus... mar tu pante ba karang... mar I was enjoy be there.....
Waktu datang di kampus.. jam 8, kita kira so late... mar yanda kote... kong kita pigi pa kita pe Bus... no 10... and eng ing eng... (suara insturment horor) oh my God.. itu bus so penung, so nda ada tampa lage.. banya skali (mungkin) mahasiswa ilegal (yg nda ba bayar) iko itu bus... jadi musti beking keputusan cepat.. akhirnya kita dapa bus no 34 yang kosong nda ada penumpang... menurut bapak sopir, itu bus kata cewe2 ada ganti lantaran itu bus besae skali... (hari gene... pilih2 bus)... mar lantaran so terdesak nda ada bus.. kita nae itu bus deng kita pe teman2 yang (juga) dorang pe bus orang so serobot... – kepada panitia campus day tolong diperhatikan yach....---- kepada bapak sopir mungkin mustahil ngana mo baca kita pe blog... tapi makase banya.. itu bus forsa skali di nae2 gunung... dan buat cewe2 yang ganti itu nomor bus terima kasih banyak so kase akang torang bus kosong....
Sampe disana langsung cari tampa... ba ba cerita sadiki.. eh so mo makang... salah maso lagi... kita maso di tampa makanan ikang.. padahal kita suka mo makang ayam.. beeeeeee.... selesai makang kong mandi di pantai berkarang... --- bae kita pake slop---- pulang di kos... langsung bobo...
Sampai jumpa di campus day2 berikutnya....

Read more...

Power Supply ku yang malang...

Setelah menemani kita selama 4 taong, akhirnya drop juga kita pe power supply... padahal kita sayang skali kita pe power supply itu, Cuma di yang ba tamang akang pa kita waktu beking research semester lalu. Mo beli baru, abis doi kita, jadi kita pinjam pa mas “Mentari” Andy... makase mas... semoga ngana memang betul2 jadi Mentari yang menyinari tampa harap kembali... semoga ngana kase pinjam ngana pe power supply tanpa harap kembali lagi... wakawkawkawkawkawkakawk
Makase banya power supplyku... ngana berarti skali, kita mo kenang sepanjang masa......

Read more...

Ada apa dengan Foto di FS...

Minggu ini orang2 sibuk koment kita pe foto di fs... kiapa so kita pe foto...???? ada tu aneh??? memang kita nda ganteng... mar jangan koment2 kita pe foto... so mo tersinggung kita. Kita kalu tersinggung... kita beli akang nasi ayam pa ngoni... waawkakakakkawkaw... untuk mencegah hal2 kontroversial nantinya... maka kita so ganti kita pe primary foto di fs... semoga nda akan ada lagi koment2 yang berbau rasis di kita pe fs ini.....

Read more...

Jogl oh Jogl.... !!!!

Kalo ngoni nentau itu jogl.... wajar, karena jarang-jarang ada orang pake... Jogl itu gabungan Java and OpenGL for animasi 3D... torang dapa tugas beking garis pake mouse pake jogl di kelas Kom Grafik... mar nda (belum) berhasil... kalu ada yang tahu source codenya... comment di sini ok.... please!!!
Da beking itu riki nda tidor 1 malam, riki dia pe beso nda fit maso kelas... jadi belajar nda maksimal lantaran apa yang dosen terangkan kita nda mangarti and nda coba mo mangarti lantaran kita manganto skali... beeeeee... dia pe sore ujian ob... nda ada blajar maksimal, waktu siang ada blajar di perpus unklab mar Cuma da ta tidor disitu wkwkwwkkawkawkawka... semoga nda beking malo kita pe ujian ob ini kali....
Oh Korektor.... berbaik hatilah pa kita...

Read more...

Bimbel Compro...

Lage sibuk urus bimbel nich..... biar sibuk skali mar kita senang... coz kita adalah orang yang terbantu waktu bimbel dulu, jadi itung2 balas budi... nda dapa rasa kita so mo tamat, mar masih dapa inga lei waktu kita iko bimbel, waktu itu nen tau apa2... buta skali... untuk kaka tutor taon 2005, terima kasih Royke, Pascal, Budi, dll... (sorry Cuma itu yang kita inga)...
Kalu lia dorang ade2 tingkat semangat belajar... kita lei semangat mo beking yang terbaik for dorang... mar butuh kerja keras and rajin... programing itu susah2 gampang(sudah dua kali, gampang Cuma satu) wakakakawkwakak... mar kalo ada motivasi ... pasti mo jadi...
ada lia kita pe ade2 tingkat belajar programing, coba mangarti algoritma program.. beking flowchart, tulis program dari “Hallo World” sampe program yang so kompleks.... adalah alasan mengapa kita cinta skali ini pekerjaan...
For samua tutor ini semester... SEMANGAT NECH....!!!!!!

Read more...