Banyak Doa dan Cinta Buat Merry....

Skarang2 banya skali kita pe teman saki... so jaga kesehatan ok!!!
Kemaren ada pigi di rumah sakit malalayang,
ba besuk torang pe teman Merry Ticoalu... salah satu kita pe tutor bimbel...
setelah kecewa datang pertama waktu siang deng temang2 lantaran nda bisa lia Merry langsung, akhirnya terobati waktu datang malam deng senat and dosen fik...
senang juga bisa lia dia langsung... sekaligus sedih juga lia dia sakit bagitu...
waktu itu dia pe suasana penuh deng cinta, banyak orang datang coz dorang sayang pa Merry... terutama dia pe teman2 satu angkatan...
selama itu kita tanya- tanya pa Tuhan... well kiapa orang yang baik rupa deng Merry, Tuhan bisa ijinkan dapat penyakit seperti itu?? mar kita yakin... Tuhan lebe tau dari kita dan yang pasti samua itu pasti terbaik buat Merry, keluarga and dia pe teman - teman....
kata dia pe teman2 dia dapa sakit langka which is "guillain barre syndrom", waktu kita tanya pa om Google... wawwww ternyata serius men....
====================
for teman2 yang baca kita pe blog, tolong doakan torang pe teman Merry .... supaya cepat sembuh... boleh kuliah ulang and yang pasti Merry boleh tersenyum ulang seperti yang dulu rupa deng foto diatas.... Kita yakin Tuhan punya maksud yang indah buat Merry...

MERRY .... THE SMILLING GIRL .... SEMANGAT YACH......