Orang 2 bodok...

Kita riki heran... kiapa kita berweekend di kampung halaman baku dapa salalu deng orang2 bodok... mar kita ambe dia pe positif jo... jangan iko deng dorang pe bodok wakwakakakaakkwaka...

1.Cowo yang bodok (tempat : angkot wanea- samrat)
Cowo yang bodok yang satu ini nembole lia cewe cantik, waktu dia nae itu angkot (so stenga mabo lei dia) dia langsung haga pa cewe lama2 kong dia tatawa pa itu cewe kong dia goda(ganggu) pa itu cewe...

Cewe : kiapa ngana haga2 kita?
Cowo bodok : kiapa nembole lia so pa ngana?
Cewe : nem bole noh....!!!
Cowo bodok : oh cewe pe sombong skali do ngana??? Sapa dang ngana pe nama???

Saking bodoknya di cowo bodok, dia nentau kote disebelah pa itu cewe ada om kekar kong batato, kong dia pe soe... dia pe papa kote itu kong dia pe papa preman di situ...

Cewe pe papa : wei bos.. (marah2) rupa nda sopan pa kita pe anak ngana, ^%$&^$% ngana!
Cowo bodok : (instrument musik seram) ... (ta kage dia) odoh om sorry skali ...tadi kita kwa cuma ada lia diluar..!
Cewe pa papa : *)&5^*&(^%*&^(@#$@&^$&^$&^ (Maaf diSensor, karena tidak layak masuk di blog ini.....)

Akhirnya si cowo bodok ini minta2 maaf kong so tako skali dia.... wkakawkawkakaw... Cuma brani kalo cewe sandiri... langsung ilang dia pe mabo..
Pesan Moral : jangan ganggu2 cewe apalagi kalu ada dia pe papa disitu...

2.Penjaga warnet yang bodok (tempat : salah satu warnet di manado)
Penjaga warnet yang bodok ini ada buka akang kita pe teman pe komputer pake account admin ... jadi ngoni dapa tebak, dia pe billing harga internet nda ba jalang, jadi kita pe teman ini pake internet gratis 2 jam...
Nb : kiapa Cuma dia dang ngana kase gratis.. kita kapan????

3.Pancuri yang bodok (tempat : my lovely home)
Sampe di rumah kita kage kiapa kita mo monitor deng speaker so nda ada....!!! ternyata so ilang kote.. ada pancuri maso di rumah.. coz rumah kosong... mar dasar pancuri bodok.. kiapa dia Cuma ambe itu monitor deng speaker yang rusak??? Apakah dia penyalur barang2 rusak ??? kiapa dia nda ambe itu kulkas ato apa kek yang bagus??? seperti biasanya.. kita salalu ambe dia pe positif... kita mo bilang makaseh jo for ini pancuri... selama ini kita bingo skali mo taruh(buang) dimana ini monitor deng speaker rusak?? Jadi makaseh banya so bantu akang kita simpang itu barang... kalu ngana jual.. lumayan... beli krupuk ... ngana dapa banya....

Nb: untuk pancuri yang bodok... bertobat jo... cari kerja kek... apa kek .. beking apa kek... yang penting halal.. dari pada ngana Cuma pancuri2 orang2 pe barang... (emosi ini...)... kapan2 kalu mo pancuri batanya dulu kwa... sapa tau kita berbaik hati pilih akang barang yang nda rusak.....

4.Tukang Ojek yang bodok (tempat : salah satu terminal)
Ini tukang ojek maso di jalur satu arah... kong di situ ada polisi lage... dia nda dapa lia stow itu tanda larangan pe besar skali... riki dua lei...

5.Bisa ada tambah satu Polisi yang bodok kalu dia terima itu doi sogok dari Tukang ojek yang bodok.

6.Cuma penulis yang bodok yang mau tulis tentang orang2 bodok

7.Cuma pembaca yang bodok yang suka baca tulisan orang2 bodok

nb : pengecualian kalu yang suka comment di blog ini... hehehehhe

Sorry ini cuma for tatawa2 sadiki... walaupun ini nyata mar kita nda bermaksud menyinggung .... kalu ngoni tersinggung... bagus... berarti ngoni barasa salah satu...


Heve a nice weekend...