Jomblo != Dosa

tanda "!=" di pemrograman komputer itu berarti "bukan" atau "tidak" jadi itu judul di blog boleh baca... "Jomblo bukan Dosa" heheheheeheh...

kiapa kita suka mo bahas ini??? coz ini adalah topik yang hangat dibicarakan kita pe taman2 selama ini... ternyata dorang baru sadar kalu skarang dorang so tingkat 4... dorang tako skali kalo tamat incomplete ato jomblo...
banya skali yang jadi dorang pe bahan pertimbangan.... :

1. Tamat incomplete katanya lebih memalukan dari tamat dengan low GPA
2. Bayar kuliah kata mahal2 jadi musti dapa pasangan hidop kata di sini... musti ta pulang pokok kata...
3. Ada kemungkinan so nda laku kalu so kelar kuliah (so ba lebeh komang ini...)

Untuk teman2 ku tersayang... jangan tako so bagitu skali... coz dia pe berita baik... katanya perbandingan pria dan wanita di muka bumi ini 1 : 5... mar dia pe berita buruk 2 diantara 5 itu so oma-oma, 2 itu so tanta-tanta kong yang satu itu cewe jomblo mar sayang dia nda suka pa ngoni... hahahahahahahaha

cuma baku sede pren2... jomblo itu nda dosa... nda ada hukum di dunia ini yang larang... nikmati jo itu hidop kong beking itu hal2 berguna..