Pulang Weekend...!!!

Pulang weekend lalu banya skali acara... coz ada teman yang kaweng, jadi ada tempat untuk ba kumpul sekaligus makang2... setelah pacaran cukup lama akhirnya dorang so kaweng... senang sekali...
acara berjalan lancar sesuai rencana sebulum mati lampu(mungkin ada orang PLN yang yanda senang deng dorang pe perkawinan heheheh...) jadi so ta tunda 1 jam... itu tamu2 so yanda tahan... akhirnya diputuskan torang ambe itu genset di Gereja.... mar ada satu masalah timbul yaitu cuma penganten pria yang biasa pasang itu genset.. jadi torang culik dulu pa dia for pasang itu genset...




ini foto torang ada ba tunggu di gereja... qta, qta pe ade deng Jovi "Bonteng" yang nemau mo ba foto .... (pura -pura kata)................................Wurangian Next Generation.................


so satu bulan yanda pulang jadi so kangen skali deng langowan... skarang langowan so beda... coz punung skali deng spanduk2 caleg dengan janji2nya yang manis... sayangnya banyak dari pa dorang cuma jual2 kecap....

skarang kita lagi pikir2 mo tulis tentang tutorial komputer di blog... rencana mo beking blog satu lagi.. mar lantaran skarang lagi sibuk jadi beking satu jo... deng satu so jarang ja post apa lagi dua... jadi mungkin minggu2 depan mo ada tutorial2 di qta pe blog ... qta mo tulis tentang apa yang qta dapa di kelas selama ini....


.......................Di oto penganten.. lagi merenung kapan kita nyusul..........................

Ujian skripsi di depan mata... doakan qta nech...

GOD BLESS YOU ALL...